تفسير سورة القصص
زماااااااااان عن منتديات حبي والله
بس جيت معايا دي القصة
ودبلجتها باللهجة الحجازية خخخخ
كان يا مكان
فى قديم الزمان
وقبل ما يكونوا في بشر ولا ناس ولا حتى حيوانات
كانت الصفات الحلوة والوحشة بتدور في العالم مع بعض وتلف في الدنيا
وكانت دايما تطفش يعني عايشة طفش في طفش كل الصفات
وفي يوم من الايام لقوا حل لمشكلة الطفش المستعصية
وبعد ما اتجمعوا اقترح واحد منهم لعبة الغميمة
والكل رحب بالفكرة وعجبتو
وكل واحد سار يصيح ويقول انا ابدأ انا ابدأ
الجنون قال :- انا حغمض عيني واعد وانتو اتخبوا
وغمض عينو واتكى على صخرة وبدأ يعد
واحد , اثنين , ثلاثة
وبدأت الصفات التانية بالتخبي وكل واحد بيشوف له مكان
الرقة لقت لنفسها مكان واتخبت في القمر
والخيانة مالقت نفسها الا في كومة زبالة -الله يعزكم-
الولع راح واتخبا بين الغيوم
ومضى الشوق الى وسط الارض << ركز معايا على كلمة ومضى حسيت اني خطير وانا اكتبها هع
المهم
الكذب قال بصوت عالٍي :- انا حخبي نفسي تحت الحجارة
ولانو كداب راح وغطس في وسط البركة
والجنون جالس يكمل:- تسعة وسبعين , تمانين , واحد وتمانين
وهو بـيعد
كل الصفات اتخبت وكل مين في مكانو
ماعدا الحب
كالعادة ما كان صاحب قرار وبكدا ما قرر فين يتخبى
وطبعا دا شي طبيعي ومو غريب على احد لاننا كلنا نعرف انو صعب اخفاء الحب
وكمل الجنون :- خمسة وتسعين , ستة وتسعين , سبعة وتسعين
ولمن وصل في العد وقال مييييييييييية
نقز الحب وسط مجموعة من الورود واتخبا في وسطهم
فتح الجنون عينو وبدأ يدور ويصيح:- أنا جايكم , أنا جايكم
كان الكسل أول من أنكشف لأنو كسلان وما حاول يدور على مكان مزبوط
بعدين ظهرت الرقّه المختفية في القمر
وبعدها خرج الكذب من قاع البركة لانو نفسو انقطع وماقدر يكمل غطس
والجنون انتبه على الشوق وقلو يرجع من باطن الأرض
الجنون لقاهم كلهم واحد ورى التاني
ماعدا الحب
خلاص والجنون طفش هو يدور على الحب الين دحين
جاء الحسد وقرب من الجنون , وقال في اذنه ترى الحب متخبي بين الورود
وقام الجنون واخد شوكة خشبية زي الرمح وبدأ بجنون يطعن في شجيرة الورد بشكل غبي
وما وقف الين سمع صوت بكا يهز القلب ويكسر الخاطر
طلع الحب من تحت الورود وهو ماسك عينو يبكي والدم بيصب من جسمو
صيح الجنون وهو ندمان :- يا ربييييييي انا اش سويت فيك ؟
يا ويلييييييي فقعت عينك بالخشبة
وبدأ يصيح ياربي ايش اسوي عشان اصلح الغلطة الغبية دي بعد ما خليتك اعمى ؟
وبكل الحب قال الحب :- طبعا ما حتقدر ترجع عيني وبصري لو ايش سويت ,لكن ممكن انك تسوي حاجة وحدة عشاني .
صيح الجنون قلو من جد؟؟
قلي ايش اسويلك وانا مستعد اسويه لو اش كان
قال الحب :
خليك دليلي
وهذا اللي سار من يومها
كل ما عليك هو إنشاء حساب جديد ببضع خطوات أو تسجيل الدخول للمتابعة.
